ഓര്‍ക്കുക ..... മരണം ..സത്യമാണ് ...നമ്മെ പിന്തുടരുന്നുണ്ട് ...

ഓര്‍ക്കുക ..... മരണം ..സത്യമാണ് ...നമ്മെ പിന്തുടരുന്നുണ്ട് ...
കഴിഞ്ഞ ദിവസം ..ഒരു മരണാനന്തര ചടങ്ങില്‍ പങ്കെടുത്തു ( മയ്യത്ത് നമസ്ക്കാരം  )

ജനിച്ചു 12 -) ദിനം സ്രഷ്ടവിലേക്ക് മടക്കപെട്ട പെണ്‍ കുഞ്ഞും ,മറ്റു 6 പേരും ...

  വെള്ള തുണിയില്‍ പൊതിഞ്ഞു ജീവനില്ലാത്ത ആ കുഞ്ഞിന്റെ ശരീരം എന്റെ ഇരുകൈകളിലും പിടിച്ചു, കുഞ്ഞിന്റെ പിതാവിനൊപ്പം, വാഹനത്തിനുള്ളിലെ മറ്റു മൂന്നു ചേതനയറ്റ ശരീരങ്ങല്‍ക്കൊപ്പം അകലെയുള്ള ശ്‌മശാനെത്തേക്ക് ലക്‌ഷ്യം വെച്ച് യാത്രയാകുമ്പോള്‍ ഒരായ്യിരം ചോദ്യ ശരങ്ങള്‍ എന്റെ ഹൃദയത്തെ കുത്തി നോവിക്കുകയായിരുന്നു ..

  വാഹനത്തിന്റെ ഇരുള്‍ നിറഞ്ഞ കാബിനുള്ളില്‍ നിശ്ചലമായി കിടക്കുന്ന ശരീരങ്ങള്‍, പാതയിലെ ചെറു കുഴികളില്‍ വാഹനം വീഴുമ്പോള്‍ ഉലയുന്ന ആ ശരീരങ്ങള്‍ എന്തൊക്കയോ എന്നോട് പറയുന്നതുപോലെ ...ഞാനും നിന്നെ പോലെ ജീവനുള്ള ഒരു ശരീരമായിരുന്നു ..ഈ ലോകം നമ്മുക്ക് ശാശ്വതമാല്ലന്നു നീ അറിയുക ..ഒരു നാള്‍ നീയും എന്നെ പോലെ ഈ ലോകത്ത് നിന്ന് വിടപറയേണ്ടി വരും ..നീ കാണുന്നില്ലേ ജീവനില്ലാത്ത ഒരു ശരീരമായി ഞാന്‍ കിടക്കുന്നത് .. ജീവനുണ്ടായിരുന്നപ്പോള്‍ ഈ ലോകം എനിക്ക് സ്വന്തമായിരുന്നു മാതപിതാകക്കള്‍ ,ബന്ധു ജനങ്ങള്‍ എല്ലാവരും എനിക്ക് ഉണ്ടായിരുന്നു ഇപ്പോള്‍ ഞാന്‍ ഒറ്റയ്ക്ക് യാത്രയാകുന്നു നീ അറിയുക മരണം നിന്നോടൊപ്പമുണ്ട് ..,
എന്റെ കൈയിലിരിക്കുന്ന വെള്ളത്തുണിയില്‍ പൊതിഞ്ഞു ജീവനില്ലാത്ത കുഞ്ഞു തേങ്ങി കരയുന്നതുപോലെ .....ആ തേങ്ങല്‍ ....എന്റെ ഹൃദയത്തില്‍ ....വേര്‍പാടിന്റെ ..വേര്‍പിരിയലിന്റെ ..വിട പറയുന്നതിന്റെ ..മരണത്തിന്റെ ഓര്‍മ്മപ്പെടുത്തുകളായി....നൊമ്പരമായി ...